親子互動技巧(非語言篇)： 就算小朋友未開口，佢其實一直同你「溝通緊」 「佢而家都未識講嘢，我可以做啲咩幫到佢？」 其實喺語言未出現之前，溝通早就已經開始。 眼神、表情、距離、動作、回應方式，全部都係小朋友理解世界、學習互動嘅基礎。 非語言互動，係語言學習嘅基礎 即使小朋友暫時未能用說話表達，只要有 穩定、溫暖、有回應嘅親子互動，其實已經係為語言學習鋪路。 以下分享 6 個容易被忽略，但非常重要嘅非語言互動技巧。 ① 積極參與遊戲｜比起教小朋友更想你陪 小朋友最自然嘅學習方式，從來都係「玩」。 當你： 你會發現，小朋友會更願意望你、靠近你、留低喺互動入面。 ✨ 陪玩，其實就係一種最溫柔嘅溝通。 ② 建立良好關係｜關係穩語言先會出現 安全感，係語言發展嘅前設。 當小朋友感覺到：「同你一齊係舒服嘅、唔會成日被糾正、唔需要表現。」 佢先會慢慢放膽嘗試互動、模仿、發聲。 相反，過多指令、過密問題，反而會令孩子退後。 ③ 給予溫暖與肯定｜小小回應大大鼓勵 有時家長會覺得： 「佢都冇講到嘢，有乜好讚？」 但其實： 都已經係好重要嘅溝通行為。 一句簡單嘅肯定、一個點頭、一個笑容，都會令小朋友知道：「我嘅嘗試係值得嘅。」 ④ 留意面部表情｜小朋友全部留意到 小朋友未必聽得明你講乜，但一定感受到你嘅表情同情緒。 當你投入、放鬆、專注，小朋友會自然被吸引。 反之，敷衍、分心、急躁，小朋友同樣會「收得到」。 ✨ 你嘅表情，其實就係一種無聲嘅訊息。 ⑤ 保持適當親近距離｜給予安全感 理想嘅互動距離大約係：一臂之內（約 50–80cm）、與孩子眼睛同高 咁樣嘅距離，會令小朋友感到被陪伴，而唔係被監視。 記住：親近 ≠ 壓迫；陪伴 ≠ 控制 ⑥ 善用非語言溝通技巧｜用動作來支持 完成任務後，你可以用： 呢啲動作，對小朋友嚟講比說話更直接、更易理解。 ✨ 非語言回應，往往係孩子最先學識嘅互動方式。 🪄非語言互動，其實一直都在

親子互動技巧 (語言篇): 原來唔一定靠不停問問題，小朋友都會想講多啲 很多家長都問過我一句話： 「點解我成日問佢問題，佢都係唔多答我？」/「仲講得咁少嘢？」 又或者： 「有時我聽人哋話要多啲問問題，誘發思考，但有時又話唔好問太多，究竟幾時問問題好？」 如果你都有同樣感覺，先想同你講一句：你唔係做錯，只係未遇到最啱你同小朋友嘅方法。 因為語言發展，從來都唔只係「答問題」咁簡單。 🪄語言需要一個舒服嘅環境去營造 小朋友會唔會講多啲，往往唔係取決於「你問咗幾多問題」，而係取決於佢有冇感覺到：你想聽、你等緊、你喺度。 以下分享 6 個實用又容易做到嘅親子語言互動技巧，全部都可以喺日常生活即刻用到。 👀看清每個高效回應說話的方式 ① 延伸回應｜幫孩子「講完整啲」 當小朋友講一句單字，其實已經係一個好好嘅開始。 👶：「紅色車車！」👩‍🦰：「係呀～玩緊紅色車車。」 你唔需要糾正，唔需要考佢，只係 自然幫佢延長一句說話。 ✨ 小朋友會慢慢學到：「原來我講一句，大人可以講多啲。」 ② 重複孩子說話｜我聽到你喎 有時家長會擔心： 「成日重複，會唔會冇用？」 其實相反。 👶：「去公園！」👨‍👩：「去公園呀～」 呢種溫柔嘅重複，其實係向小朋友傳遞一個訊息：「我聽到你、我明白你。」 而「被聽到」，正正係小朋友願意繼續講嘅原因。 ③ 描述孩子正在做的事｜唔一定要問，先講都得 語言唔一定要由問題開始。 畫畫時，你可以咁講： 🎨：「你拎緊藍色，塗喺張紙上。」 小朋友未必即刻回應，但佢其實一直喺度「吸收」。 💡 很多孩子，正正係因為壓力細咗，反而更容易開口。 ④ 命名物件／事件｜把握每一次學詞機會 玩具、食物、日常活動，全部都係學詞好時機。 🧸：「熊啤啤～」🏗：「砌緊城堡呀。」 記住三個字：短・清晰・真實 唔需要長篇大論，清楚、重複、自然就夠。 ⑤ 溫柔暗示輪流講｜「等」其實好重要 語言唔係搶答比賽。 吹泡泡時： 👨：「吹……（停一停）」👧：「泡泡！」 呢個「停一停」，其實就係一個 邀請孩子參與嘅空間。 ✨ 有時「等」，比「問」更有力量。 ⑥

💭 前言 聽過唔少家長都有遇到以下問題：「我日日都有同小朋友講嘢，但係點解佢好似都唔太應我？」、「係咪我問得唔夠多？定係應該教佢多啲字？」 如果你都有諗過以上問題，你並唔孤單。 好多家長都好努力想幫小朋友學講嘢，但往往忽略咗一樣好重要嘅事——親子互動，其實唔只係「講說話」。 👩🏼‍👦🏼 甚麼是「親子互動」呢？ 親子互動，唔等於你問一句、小朋友答一句。真正嘅互動，係關係嘅建立，係一來一往之間，令小朋友感受到： 而呢種互動，可以分成兩大部分： 兩樣都重要，缺一不可✨ 言語互動: 唔只係靠「問問題」 好多人一諗到幫小朋友學語言，第一反應就係：「問多啲問題啦！」 但其實——不停問問題，未必一定幫到小朋友講多啲。有時，小朋友反而會覺得有壓力，當小朋友唔知點答，就會索性唔講。 言語互動，更重要嘅係： 當小朋友感覺到「我講嘢係有人聽」，佢自然會想再講多啲。 非言語互動：語言未出現前，已經開始 對於未講到、或者講得唔多嘅小朋友，非言語互動更加係關鍵。 其實小朋友一早已經喺度溝通緊，只係未用到說話： 如果大人能夠： 就等於同佢講緊一句好重要嘅說話：「我見到你，我同你一齊。」 而呢份被理解嘅感覺，正正就係語言發展嘅基礎。 為何要同時重視「言語」同「非言語」？ 可以咁諗： 👉 非言語互動係地基👉 言語互動係慢慢起上嚟嘅牆 如果做好基本功，小朋友會更有安全感去嘗試講嘢；如果牆起得太快，但地基未穩，反而容易令小朋友退縮。 所以，唔係揀一樣做，而係因應小朋友嘅階段，調整你嘅互動方式。 我應該由邊度開始？ 你可以簡單咁分： 🪄無論由邊度開始，都唔需要一次過做晒，一個小改變，已經可以好有幫助。 一句想同家長講嘅話 Be with the child before teaching the words.先陪伴，再教說話。 你唔需要做得完美，只需要願意同小朋友一齊。 🪄親子互動技巧清單下載: 清單已包含十多項親子互動的技巧，方便大家下載後可即刻使用，清單僅供教學及個人使用，請勿未經授權公開或商業用途 📌 延伸閱讀 👉【非言語篇】小朋友未講嘢前已經可以做的互動方法 👉【言語篇】言語治療師最常用的親子互動語言技巧 💛 關於 ChattyJolly 由香港言語治療師創立，希望創作簡單、有效、實用遊戲教材，提升小朋友語言理解、表達能力。