3 款自家製促進幼兒語言發展的新年遊戲
農曆新年除咗熱鬧同開心之外，其實都係一個好適合做語言訓練的時機。如果可以將傳統節日元素，結合聆聽、表達、句子組織同描述能力等目標，放入治療堂或家中訓練中，小朋友一定會學得更投入、更自然。
Chattyjolly 設計咗 3 款以農曆新年為主題的語言學習教材，適合幼稚園、言語治療、家長親子練習使用，而且全部可以免費下載。
💛教材一覽表及比較💛
| 教材名稱 | 可達致的語言學習目標 | 適合的小朋友 | 推薦度 |
| 生肖同學會 | ・新年詞彙學習・ ・聆聽指令・短句表達・ | ・針對提升聆聽理解能力・ 學習說短句的幼兒・ K1–K2 學童 | ⭐⭐⭐⭐⭐ |
| 利是封設計師 | ・新年詞彙學習・ ・描述步驟・句子表達・ | ・針對練習描述能力・ ・語言能力初中階之幼兒・ 喜歡自由設計/ 創作之學童 | ⭐⭐⭐⭐ |
| 新年燈謎猜一猜 | ・聆聽理解・詞彙知識・ ・輪流回應・ | ・語言理解較穩定的小朋友・對新年詞彙已有一定認識・ K2–K3 為主 | ⭐⭐⭐⭐⭐ |
🪄教材快速篩選：
由簡易開始 → 推薦 生肖同學會
融合語言＋手作 → 利是封設計師
想要有 小組活動＋新年氣氛感 → 新年燈謎猜一猜
🎉 教材一：生肖同學會 (新年特別版)
呢個活動主要針對：
- 🎧 聆聽指令：由簡單到步驟指令
- 🗣️ 語言表達：由兩元素到四元素句子
- 🧠 促進詞彙，包括：十二生肖及新年食品名稱
🎯 遊戲玩法
小朋友會見到多隻可愛生肖小動物，配合不同顏色的坐墊。治療師／老師會可以說出指令，例如：
「攞年糕俾兔仔。」
小朋友需要：
- 聽清楚指令
- 選擇正確食物
- 擺放到正確生肖位置後，小朋友會獲得獎勵
最後，亦可以鼓勵小朋友說出句子，例如：
「兔仔食年糕啦！」
🧩 語言目標
- 理解動作指令
- 建立簡單主謂賓句式
- 增加新年相關詞彙
📩 【生肖同學會】教材已包括生肖角色及新年食物圖卡，可於這裡可以下載：
🧧 教材二：利是封設計師
手工活動其實係好好嘅語言訓練時機。呢個「利是封設計」教材，結合摺紙＋貼圖，特別適合練習：
- 🗂️ 步驟描述
- 🗣️ 詞彙＋位置語
- ✍️ 短句表達
🎯 活動流程
學生先跟住摺出利是封形狀，再自由選擇圖案裝飾，例如金元寶、燈籠、揮春等。
過程中可以引導小朋友講出不同句子或步驟：
- 「首先摺利是封。」
- 「跟住貼圖案。」
- 「我貼大金元寶喺最下面。」
🧩 語言目標
- 學習「首先／跟住／最後」
- 使用位置詞（上面、下面、中間）
- 練習描述自己做嘅事
📩【利是封設計師】教材已提供利是封版形及裝飾圖案，大家可於這裡下載：
🏮 教材三：新年燈謎猜一猜
燈謎活動好適合做輪流、等待、聆聽理解訓練，我哋今年新加了 12 條幼兒版新年燈謎，內容包括：
- 新年食物
- 新年用品
- 新年活動
🎯 遊戲玩法
小朋友輪流聽燈謎，嘗試猜答案。
每猜中一次，就會得到一封小利是作為獎勵。
利是入面放咗不同祝福語揮春，例如：
- 身體健康
- 快高長大
- 出入平安
可以鼓勵小朋友：
- 讀出揮春
- 解釋意思
- 選一張送俾家人
🧩 語言目標
- 提升聆聽理解
- 推理及詞彙理解
- 認讀簡單祝福語
📩【新年燈謎猜一猜】教材已包括燈謎卡、小利是封禮物及揮春，歡迎大家下載
❤️ 小總結：節日其實係學語言的好機會
只要設計得好，節日活動唔一定只係「玩」，而係可以自然地練到：
- 聆聽
- 表達
- 句子結構
- 描述能力
希望呢套農曆新年教材，可以幫到老師、治療師同家長，同小朋友一齊 開心學・開心玩 🧨
所有教材均可免費下載及列印使用，僅供教學及個人使用，請勿未經授權公開或商業用途
💛 關於 ChattyJolly
由香港言語治療師創立，希望創作簡單、有效、實用遊戲教材，提升小朋友語言理解、表達能力。
